Çudi apo e vërtetë, maji nuk ka fitues në derbi. Të gjitha takimet që janë luajtur nga viti ’90 e në vazhdim, nuk kanë asnjë skuadër favorite. Kështu, Tirana dhe Partizani kanë luajtur shtatë takime, katër prej të cilave janë mbyllur në barazim.
Në tri ndeshjet e tjera, Tirana ka fituar dy herë, ndërsa një herë ka triumfuar ekipi i Partizanit. Rezultati më i përsëritur është 2-2, në tri sfida. Tirana ka fituar 3-1 në 2003 dhe 1-0 në 2007, ndërsa Partizani ka mundur bardheblutë 2-1 në 1995-ën e largët. Një nga shtatë takimet është mbyllur me rezultatin e bardhë 0-0.
Gjithsesi, barazimi mbretëron gjatë sfidave të majit.
Bastet – Këtë herë bastet kanë vendosur. Do të jetë Partizani që do të fitojë derbin. Të paktën kështu thonë ekspertët e basteve. Fitorja e Partizanit kuotohet 1.8, barazimi vlerësohet 3.4. Nga ana tjetër, fitorja e Tiranës jepet me koeficientin 3.75, por bastet janë vetëm baste. Fusha është ajo që tregon se cila nga skuadrat do të fitojë në fushën e lojës. gjithçka është mbyllur. Tani është radha e lojtarëve të bëjnë spektaklin.