Cristian Eriksen është i ekzaltuar nga fitorja dramatike në fushën e Ajaxit, që i dha Tottenhamit biletën për në finale.
Danezi ka një sugjerim për anglezët; Lucas Moura duhet të ketë një statujë në ishull.
“Ishte një ndeshje e çuditshme. Ishim në dizavantazh për shumë kohë. U përpoqëm të luftojmë, dhe ishim me fat. Më vjen keq për Ajaxin, luajtën mirë ndaj nesh, por ne krijuam më shumë shanse. Tashmë jemi të çliruar, kemi luftuar për këtë dhe është si ëndërr të jemi në finale.
Lucas pati një ndeshje fantastike. Më shumë se fitore taktike, sonte ishte një fitore për performancën me zemër, dhe bashkë me këtë Lukas Moura, ai e fitoi ndeshjen. Shpresoj t’i bëjnë një statujë në Angli pas kësaj”, deklaroi Eriksen.