Me largimin e sigurt të Kristian Zapatës dhe dëmtimin e Matia Kaldarës, klubi i Milanit e sheh veten të detyruar të ndërhyjë në merkato për të afruar një mbrojtës. Emri më i ri është ai i Loro Koshelnit. 33-vjeçarit i skadon kontrata me Arsenalin në fund të sezonit të ardhshëm, por “Djalli” do të tentojë ta afrojë gjatë kësaj vere.
Do të jetë Ivan Gazidhis përgjegjësi për këtë manovër, e cila pritet të kushtojë fare pak. Duke parë raportet e administratorit të Milanit me “topçinjtë”, do të tentohet një prishje konsensuale e kontratës së mbrojtësit, i cili më pas do të nënshkruajë një pakt 2- vjeçar me “Djallin”. Mosha e tij përbën një përjashtim që do të bëhet nga klubi italian, i cili që nga viti i ardhshëm do të tentojë afrimin e lojtarëve në 25 vjeç dhe me kosto të kufizuar, në respekt edhe të normave të “Fair Play Financiar” të UEFA-s.
