Boksieri shqiptar, Jurgen Uldedaj, regjistroi një tjetër sukses të jashtëzakonshëm duke u shpallur kampion bote në kategorinë “Junior WBC”, teksa mposhti me pikë 97-93 polakun Tvardovski, në duelin e zhvilluar në Magdenburg të Gjermanisë.
Ndërkohë nëpërmjet një postimi në faqen zyrtare, Presidenti i Republikës, Ilir Meta, ka uruar boksierin shqiptar për triumfin e tij.
“Shpallja kampion Bote në kategorinë “Junior WBC” e 21-vjeçarit shqiptar Jurgen Uldedaj, është një sukses i jashtëzakonshëm për boksin tonë profesionist. Urime të përzemërta për kampionin tonë të pamposhtur në ring dhe paraqitje gjithmonë të shkëlqyera në të ardhmen!”, shkruan Presidenti Meta në urimin e tij.