Philippe Coutinho ka folur pas spekulimeve rreth të ardhmes së tij te Barcelona.
Mesfushori ka thënë se është i përqendruar te Brazili në Copa America duke insistuar se ka kontratë me Barcelonën.
“Kam kontratë me Barcelonën dhe gjithmonë ka qenë dëshira ime të triumfoj në këtë klub. Tani jam i përqendruar këtu dhe për të ardhmen time ende nuk e di se çfarë do të ndodhë”, u shpreh ai gjatë një konference për media në Porto Alegre.
Për Coutinhon thuhet se do të largohet nga Barcelona për t’i liruar vendin rikthimit të bashkëlojtarit të tij nga Kombëtarja e Brazilit, Neymar.
