Drejtori i ri Sportiv i Paris Saint Germain, Leonardo, ka nisur menjëherë punën për të përforcuar ekipin dhe tashmë ka në dorë goditjen e parë.
Mësohet se drejtuesi brazilian ka kompletuar blerjen nga Sevilla të Pablo Sarabia, një prej mesfushorëve më të mirë të andaluzëve për sezonin e kaluar.
27-vjeçari Sarabia kishte një klauzolë prej vetëm 18 milionë euro, ndërsa parizienët kanë mbyllur akordin për 20 milionë euro.
Lojtarit i kanë ofruar një kontratë të majme 5-vjeçare çka ka nxjerrë jashtë loje konkurrencën e Atletico Madridit.
