Një person është arrestuar me dyshimin e vrasjes së futbollistit argjentinas, Emiliano Sala.
Prokurorët që po hetojnë ngjarjen thonë se burri 64-vjeçar mund ta ketë kryer krimin pa paramendim.
I dyshuari i cili do të mbetet i paidentifikuar deri në ngritjen e akuzave po mbahet nën hetim në gjendje të lirë pasi ka pranuar të bashkëpunojë me autoritetet.
Futbollisti 28-vjeçar Sala humbi jetën më 21 janar të këtij viti teksa fluturonte me avion privat nga Franca drejt Mbretërisë së Bashkuar.
Mendohet se avioni në fluturim e sipër pësoi një avari dhe u rrëzua në ujërat e kanalit të La Manshit.
Trupi i futbollistit të ri u zbulua rreth dy javë më vonë në fundin e detit, ndërsa trupi i pilotit të tij ende nuk është gjetur.
Sala pak ditë përpara aksidentit tragjik kishte firmosur transfertën nga ekipi francez i Nantes dhe për t’u zhvendosur si sulmues në Premier Ligën angleze me klubin “Kardif Siti” në këmbim të shifrës rekord prej 17 milionë dollarë
