“Alo Leo? Jam Maurizio Sarri”. Kjo ishte fraza hyrëse e telefonatës mes Bonuçit dhe trajnerit të ri të Juventusit, i cili përmes telefonit, i ka dhënë besim mbrojtësit dhe kështu e ka “larguar” nga PSG-ja.
Siç raporton “Gazzeta Dello Sport”, trajneri juventin, sa ka marrë vesh lajmet që Bonuçi mund të shkojë te PSG-ja, ka telefonuar lojtarin dhe i ka dhënë besim duke i thënë se është pjesë e planeve të tij, për sezonin e ri.
Bonuçi shihet si titullar nga Sarri, së bashku me De Ligt, pasi Kielini nuk jep shumë siguri me dëmtimet e tij dhe do të marrë pjesë vetëm në ndeshjet shumë të rëndësishme.
Kështu siç raporton kjo media, topi i shkon Bonuçit, i cili tashmë do të marrë vendimin për të ardhmen e tij.
Do të marrë valixhet dhe do të shkojë në Paris, apo do të zërë rrënjë në Torino, kjo gjë do të shihet me interes, gjatë verës.
