Të shtunën është njoftuar për një turiste zvicerane të zhdukur në Liqenin e Como-s.
Siç bën të ditur agjencia Italiane Lajmeve, “Ansa” bëhet fjalë për Florijana Ismailin, lojtare e Kombëtares Zvicerane të futbollit dhe e klubit Young Boys të Bernës.
E reja 24 vjeçe kishte vendosur që me një mik të saj të kalonte një ditë në liqenin e Como-s. Rreth orës 16.30 u ndez alarmi. Florijana ishte zhytur në ujë prej nga nuk ka dalë më. Menjëherë janë angazhuar zhytësit, por aksioni është ndërprerë në mbrëmje ndërsa ka rifilluar sot në mëngjes.
Vetëm para dy javësh Florijana ka luajtur ndeshjen e fundit për Nati-n.
