Edhe pse Bashkia Tiranë ka vendosur të shesë aksionet e klubit, për momentin nuk ka asnjë të interesuar për to.
Burime pranë bardhebluve bëjnë me dije se askush nuk është interesuar në bashki për të blerë pjesën e pushtetit lokal. Kjo do të thotë se gjendja do të mbetet e njëjtë. Nga ana e klubit Tirana po shihet mundësia e blerjes së këtyre aksioneve nga aksioneri maxhoritar, Refik Halili.
Nuk përjashtohet mundësia që veteranët bardheblu dhe tifozët të ndërtojnë shoqata për të blerë aksionet e bashkisë. Gjithsesi, për momentin për aksionet situata nuk është nga më të mirat, duke llogaritur që edhe nëse do dikush t’i blejë, duhet të presë formimin e Këshillit Bashkiak.
