Barcelona ka një çmim të lartë për shitjen e mundshme të Ousmane Dembele.
“Mundo Deportivo” shkruan se klubi katalanas kërkon që çdo klub i interesuar për francezin duhet të paguajë klauzolën e lirimit me vlerë 400 milionë euro.
Bayern Munich së fundmi është përmendur si klub i interesuar për blerjen e kartonit të Dembele që momentalisht kërkon largimin për shkak të minutave të pakta të aktivizimit në “Camp Nou”.
Sigurisht që bavarezët nuk kanë ndërmend të paguajnë klauzolën e lojtarit dhe duket se do të heqin dorë nga ky operacion.
Dembele ka me Barcelonën një kontratë me vlerë deri në vitin 2022 dhe katalanasit kanë luksin që të mos shesin francezin.