Ditën e djeshme Zvanimir Boban u zyrtarizuar si drejtues i Milanit përkrahë Maldinit dhe Gazidis.
Kroati është një legjendë e klubit kuq e zi dhe Paolo Maldini e dëshironte me çdo kusht në krah të tij. Boban e pranoi ofertën dhe nisi direkt punën. Sipas “Sportmediaset.it” 50-vjeçari ka piketuar futbollistin e Dinamo Zagrebit, Nikola Moro.
21-vjeçari luan si mesfushor i avancuar në krahun e djathtë, por bën shumë mirë edhe në krahun e majtë. Drejtuesit kuq e zi kanë dyshime për lojtarin vetëm për faktin se ka qenë i dëmtuar për një periudhë të gjatë. Këto janë vetëm disa nga hipotezat e mediave italiane, por të presim dhe të shohim se çfarë do të ndodhi me merkaton e “djallit”.
