Drejtuesit e skuadrës së Interit, duke filluar nga Giuseppe Marotta, te Piero Ausilio, Javier Zanetti, trajneri Antonio Conte dhe mjeku Volpi, u mblodhën të gjithë bashkë në zyrat e klubit.
Siç raporton “Sky Sport”, në qendër të bisedës ka qenë merkatoja, teksa janë vendosur piketat për sezonin e ardhshëm, si dhe janë evidentuar pikat fikse të ekipit, ashtu si edhe lojtarët që mund të sakrifikohen.
Cikalleshi: I lumtur për fitoren, skemën e vendos trajneri!
Një vend të veçantë në diskutim ka zënë edhe Mauro Icardi, ndërsa Conte u ka theksuar drejtuesve se mund të marrin në konsideratë ofertat në drejtim të Radja Nainggolan dhe Ivan Perisic.
Sa i përket merkatos në hyrje, drejtuesit kanë analizuar edhe situatën aktuale të operacioneve në zhvillim dhe i kanë premtuar Contes se brenda pak ditësh do të mbyllet negociatat për afrimin e Edin Dzekos dhe Nicolo Barrelës.