Frenk Lampard duket se ka më në fund aprovimin e drejtuesve të Chelseat për të marrë drejtimin e bluve të Londrës, pas largimit të Mauricio Sarrit.
Legjenda e klubit do kthehet në “Stamford Bridge”, por këtë herë me një përgjegjësi tjetër.
Londinezët ishin në dyshim për eksperiencën e pakët të ish-mesfushorit, megjithatë fakti që 41-vjeçari e njeh mirë klubin e Chelseat, ka ndikuar qe eksperienca në këtë rast të mos ketë përparësinë kryesore.
Lampard e filloi rrugëtimin e tij si trajner sezonin që lamë pas, teksa udhëhoqi skuadrën e Derbit, në Championship.
Në fund, Lampard i shkoi shumë pranë promovimit në Premier League, ndërsa u ndal në raundin “play off” nga Aston Vila.
Megjithatë, tashmë Lampard së bashku me ndihmësin e tij te Derbi, do të marrin detyrën më të rëndësishme, teksa duhet të menaxhojnë organikën e lojtarëve aktualë, pasi Chelsea nuk mund të zhvillojë merkato pas dënimit nga UEFA.
Zyrtarizimi i trajnerit të ri mendohet se do të konkretizohet brenda dy ditëve të ardhshme.
