Luca Joviç është futbollisti më i ri i Realit të Madridit, pasi “Los Blancos” paguan plot 60 milionë euro në arkat e Eintrachtit të Frankfurtit për shërbimet e tij, ndërsa mediat spanjolle kanë zbuluar menjëherë fotot e asaj që pritet të shtojë nurin në shkallët e stadiumit “Santiago Bernabeu”.
Bëhet fjalë për të dashurën e sulmuesit serb, Andjela Manitasevic, e cila më 25 shkurt solli në jetë edhe fëmijën e saj me Joviç, një djalë të quajtur Davide.
Bukuroshja serbe është e lidhur prej disa kohësh me Joviç dhe e ka shoqëruar atë si në Portugali te Benfica, ashtu edhe në Gjermani te Eintrachti, ndërsa ishte thuajse gjithmonë në tribunat e stadiumeve, kur sulmuesi serb zbriste në fushë.
