Komiteti Olimpik Ndërkombëtar ka zgjedhur vendin fitues që do të organizojë Lojërat Olimpike Dimërore të vitit 2026-të.
Pas votimit të anëtarëve u vendos që Lojërat Olimpike do të zhvillohen në lokalitetin e famshëm malor të Cortinës, e cila fitoi sfidën me “rivalen” Stokholm, duke siguruar 47 vota kundër 34 të suedezëve.
Në Cortina janë zhvilluar Olimpiadat dimërore edhe në vitin 1956, pra ceremonia e re do të kujtojë 70 vjetorin e saj. Italia për herë të katërt në histori do të organizojë Olimpiadën.
Organizimi i një Olimpiade nënkupton fonde të mëdha të lëvruara nga shteti organizator, por edhe një mundësi unike për të financuar vepra infrastrukturore të mëdha.