Lokomotiva e Zagrebit është e interesuar për Majkëll Ngonë. Nga sa bëhet e ditur, menaxherët e ekipit kanë kërkuar nga lojtari informacion për rrogën e tij.
Sulmuesi shtatlartë është vëzhguar nga kroatët për një kohë të gjatë, por nuk dihet nëse do të ketë një tratativë konkrete. Pritet që në ditët në vazhdim të zbulohet gjithçka për sa i përket të ardhmes së shtatlartit anglez.
Janë të paktën katër futbollistë, shumica e të cilëve titullarë, që nuk kanë marrëveshje të vlefshme këtë fundsezon dhe mund të largohen nga ekipi lehtësisht.
Kontratën këtë sezon e mbyllën Ilion Lika, Bedri Greca(i larguar), Majkëll Ngo, Marvin Turtulli e Eni Imami. Bedri Greca, Junus Sentamu dhe Toni Maveje janë larguar zyrtarisht. Eni Imami është shumë pranë rinovimit, ndërsa për pjesën tjetër të lojtarëve nuk ka asnjë njoftim zyrtar nga ana e klubit Tirana, që prej kohësh qëndron në heshtje.