Me ardhjen e Antonio Conte në pankinë, Inter po kërkon të jetë sa më konkurrues në garën për titullin e Serisë A.
Zikaltërit janë duke kërkuar dy mesfushorë për të përmbushur kërkesat e teknikut italian.
Emri i parë që del në skenë është ai i mesfushorit të Cagliarit, Nicollo Barella që po pëlqehet shumë nga drejtuesit e skuadrës.
Buxheti do të jetë i destinuar për të, por Ausilio po mendon gjithashtu edhe rikthimin e Mateo Kovacic. Kroati i cili u shit te Reali nuk ka vend në Madrid dhe në sezonin e fundit ishte i huazuar te Chelsea.
Kovacic mund të rikthehet në “San Siro” dhe të përfitoj një pagë rreth 4 milionë euro. Në vitin 2015 Interi ia shiti Realit për 38 milionë euro.
