Kombëtarja shqiptare e futbollit ka mbërritur ditën e sotme në Frankfurt të Gjermanisë, ku do të vijojë me përgatitjet për sfidën e 8 qershorit ndaj Islandës.
Ekipi përfaqësues është akomoduar në një hotel të Frankfurtit, ku do të qëndrojë deri në mëngjesin e 7 qershorit, kur do të niset për Rekjavik.
Gjatë rrugës nga Këlni në Frankfurt, tifozët e kanë surprizuar grupin përfaqësues në një restorant të njohur të zonës, ku ata po drekonin.
Është zgjedhur Gjermania për të vazhduar përgatitjet, për shkak se klima e këtij vendi është e përafërt me Islandën.
