Xhudistja nga Kosova, Majlinda Kelmendi ka fituar medaljen e artë në Lojërat Olimpike Europiane që po mbahen në Minsk të Bjellorusisë.
Në kategorinë e peshës deri në 52 kg, ajo ka triumfuar në finale ndaj ruses, Natalia Kuziutina. Xhudistja shqiptare i ka shtuar në këtë mënyrë koleksionit të saj si Kampione Olimpike, Kampione Bote dhe Kampione e Europës edhe një trofe tjetër.
Nora Gjakova, një tjetër xhudiste shqiptare ka fituar medaljen e argjendit në këto Lojëra në kategorinë e peshës deri 57 kilogram.
Kosova përfaqësohet në këtë event, me 12 sportistë. Edhe Shqipëria ka ekipin e saj në këtë aktivitet të cilët po garojnë në sportet e boksit, çiklizmit, mundjes, xhudos dhe qitjes.
/Marrë nga Alfred Pez@ blogu personal
