Romelu Lukaku është dëshira e Antonio Contes tek Interi. Trajneri italian e shikon sulmuesin si të duhurin për të zëvendësuar Mauro Icardin, i cili nuk konsiderohet pjesë e projektit të zikaltërve.
Nga ana tjetër, edhe belgu është shprehur i hapur për të provuar një eksperiencë të re në Itali, ndërsa periudha e fundit me “Djajtë e Kuq” ka qenë negative, ndërkohë që anglezët nuk do të marrin pjesë as në Champions League.
Mirëpo, oferta e parë e Interit është refuzuar. Zikaltrit duke ditur interesimin e United për Perisic, iu ofruan kartonin e kroatit, plus disa miliona.
Një ofertë e cila është refuzuar nga klubi anglez. Manchesteri nuk preferon të përfshijë lojtarë të tjerë në bisedime, teksa kërkesa është 75 milionë paund.
Megjithatë, palët janë vetëm në fillimin e bisedimeve dhe gjatë rrugës duke marrë parasysh vullnetin e lojtarit, United mund të ulë disi pretendimet, por pa përfshirë futbollistë të tjerë në marrëveshje.
