Holanda ka mposhtur Anglinë në gjysmëfinalen e Ligës së Kombeve, duke kaluar kështu në finale, teksa do të përballet me Portugalinë, që mposhti mbrëmjen e djeshme Zvicrën me rezultatin 3-1.
Koha e rregullt e përballjes së sotme, përfundoi në barazim 1-1. “3 luanët” kaluan të parët në avantazh me anë të Rashford, në minutën e 32-të, ndërkohë që De Ligt barazoi shifrat në minutën e 73-të.
Ndeshia iu drejtua minutave shtesë, ku “tulipanët” dominuan plotësisht, duke shënuar 2 herë. Në fillim ishte mbrojtësi i Anglisë, Uolker, që në minutën e 97-të, shkakton autogol në portën e tij, ndërkohë që Promes vulos gjithçka me golin e shënuar në minutën e 114-të.
