Keita Balde zhvilloi një sezon deri diku të mirë tek Interi, tek të cilët ishte i huazuar nga Monako.
Por kjo nuk ka mjaftuar që drejtuesit zikaltër, te ushtrojnë të drejtën e blerjes për senegalezin. Balde është kthyer tek klubi francez, por nuk pritet të qëndrojë për shumë gjatë aty, sepse trajneri Jardim, nuk e ka në planet e tij. Sipas asaj që shkruan “Sky Sport”, Arsenali është në kërkim të një sulmuesi krahu dhe, trajneri Unai Emeri ka hedhur sytë nga 24-vjeçari senegalez.
Drejtuesit anglezë pritet të bëjnë një ofertë rreth 30 milionë euro, në drejtim të klubit nga principata. Ai shihet si një zëvendësues ideal i Aubamejang, i cili pritet të largohet nga “topçinjtë”.