Tani nuk ka më dyshime, James Rodriguez do të largohet nga Bayerni i Mynihut, për t’u kthyer fillimisht te Reali i Madridit, por edhe aty vështirë se do të gjejë vend, pasi dihet që me Zidane nuk ka një raport special.
Fantazisti kolumbian ishte në huazim 2-vjeçar te Bayerni, me bavarezët që kishin të drejtën e blerjes përfundimtare, për shumën e 42 milionë eurove në fund të këtij sezoni, por vendosën të mos e ushtrojnë.
LEXO EDHE:
FOTO/ Roma e ka gjetur trajnerin, por duhet të paguajë 5 milion euro
“Më ka thënë privatisht që do t’i kërkojë klubit, të mos e blejë përfundimisht nga Reali i Madridit. James kërkon të luajë dhe të jetë protagonist, gjë që këtu te ne nuk ia garanton askush, ndaj klubi vendosi të mos ushtrojë të drejtën e blerjes”, tha Karl Heinz Rummenigge.
James Rodriguez kërkohet me ngulm nga Italia, ku Cristiano Ronaldo e dëshiron në krah te Juventusi, ndërsa Carlo Ancelotti do ta bëjë pjesë të formacionit të tij te Napoli, por tashmë të dy klubet duhet të negociojnë me Realin e Madridit.
