Një tjetër humbje për Shqipërinë. Kuqezinjtë janë mposhtur me rezultatin 1-0 ndaj Islandës në ndeshjen e tretë të vlefshme për eliminatoret e Europianit 2020.
Shqipëria megjithëse dominoi lojën nuk arriti që të dilte me pikë, ndaj një rivali direkt në Grupin H që synon kualifikimin në Kampionatin Europian.
Pas 3 ndeshjeve në këto eliminatore, Shqipëria pozicionohet në vendin e katërt me vetëm 3 pikë të grumbulluara, falë fitores 3-0 ndaj Andorras.
Dy ndeshjet e tjera kuqezinjtë i kanë humbur përballë Turqisë dhe sot Islandës.
