Everton Soares është një nga lojtarët më të spikatur të Brazilit, në Copa America.
Performancat e tij të shkëlqyera, nuk kanë kaluar pa rënë në sy të skuadrave më të mëdha Evropiane. Pep Guardiola e pëlqen shumë lojtarin dhe e dëshiron tek Mançester Siti. Drejtuesit kanë gati një ofertë prej 30 milionë eurosh, për Gremion e cila ka kartonin e lojtarit. Por nuk është vetëm Siti që interesohet për 23-vjeçarin, interes për të kanë shfaqur Bajern Mynih, Borusia Dortmund, Milan, PSG, dhe Mançester Junajtid.
Lojtari pëlqehet nga të gjithë dhe sapo të përfundojë Copa America me Brazilin, do të vendosë për të ardhmen e tij, e cila pritet të jetë në një klub të madh Evropian. Braziliani ka zhvilluar 210 ndeshje në total me Gremio dhe ka shënuar 49 gola.
