Të gjithë lojtarët e Real Madrid, me përjashtim të Gareth Bale, Toni Kroos dhe Keylor Navas, kanë festuar me një darkë jo formale ecurinë pozitive në tre ndeshjet e fundit.
Në krye të tavolinës ka qenë kapiteni Sergio Ramos, që ka udhëhequr grupin, ndërsa kësaj atmosfere iu bashkua edhe blerja më e re, Brahim Diaz. Një mbrëmje e tillë që tregon unitetin e grupit nuk ndodhte që prej shumë kohësh, më saktë që nga koha kur Zinedine Zidane drejtonte “Los Blancos”.
Mësohet se Bale dhe Kroos i kanë braktisur edhe më parë darka të tilla me grupin duke mos u bërë pjesë e afrimitetit të skuadrës. Ndërsa mungesa e Navas nuk dihet për çfarë arsye mund të jetë.
Skuadra duket e bashkuar para ndeshjes së kthimit për Copa Del Rey kundër Gironas, teksa në La Liga i pret sfida kundër Alaves për të ngushtuar hendekun prej 10 pikësh që kanë me Barcelonën.