U luajt në stadiumin “Dragao” të Portos finalja e Ligës së Kombeve mes Portugalisë dhe Holandës.
Pjesa e parë u mbyll me rrjeta të paprekura, ku të dy ekipet më tepër menduan për të mos pësuar, sesa tentuan të shënonin.
Në pjesën e dytë, në minutën e 60-të, janë portugezët që kalojnë në avantazh. Guedes gjuan fort dhe saktë nga jashtë zone, duke e dërguar topin në rrjetë.
Ky ishte goli i vetëm i kësaj finaleje dhe Portugalia bëhet fituesja e parë e Ligës së Kombeve, këtij kompeticioni më të ri të UEFA-s.
Pritej të ishte një duel i fortë mes sulmuesit portugez, Cristiano Ronaldos, dhe mbrojtësit holandez, Virgil Van Dijk.
Të dy yjet luajtën gjatë gjithë takimit, me Ronaldon që u vlerësua me notën 6.8, ndërsa Van Dijk me 6.7.
Më poshtë mund të shihni notat e lojtarëve të të dy ekipeve.
