Kristiano Ronaldo kur është me pushime nuk është një klient i zakonshëm. Këtë e dinë shumë mirë në Kalamata të Greqisë, në resortin “Costa Navarino”, ku kalon pushimet ylli portugez.
Është i njëjti resort ku Ronaldo kaloi pushimet dhe vitin e shkuar, vend që e vizitoi dhe Andrea Agnelli, për të bindur të firmos për Juven.
Pishinë, palestër, dhomë masazhi, fushë golfi dhe plazh privat, janë disa nga shërbimet e personalizuara të Ronaldo në këtë resort. Madje edhe një staf që i dedikohet yllit portugez, gjatë qëndrimit të tij.
Por, Ronaldo kur largohet nuk e harron stafin. Siç raporton “Corriere Dello Sport”, ai ka vendosur që në fund, stafin ta shpërblejë me 20 mijë euro bakshish.
