Pasi u largua nga klubi i PSG, Dani Alvesh po kërkon një klub të ri. Mirëpo deri më tani për të nuk ka ardhur asnjë ofertë.
Dhe i ndodhur përballë këtij fakti Alvesh ka vendosur që të publikoji një njoftim në Intagramin e tij.
Në njoftim futbollisti brazilian shprehej se po kërkon një ekip dhe të gjithë skuadrat e interesuara mundë të marrin CV e tij.
Në fakt, një klubi të interesuar nuk është se i nevojitet shumë CV-ja e Alvesh, sepse për të flet karriera dhe trofetë e fituar.
Së fundmi, Dani ka ditur të fitojë sërish vëmendjen e mediave dhe të bëhet protagonist në rrjetet sociale.
Këtë radhë, ai ka zgjedhur një tjetër mënyrë për ta bërë këtë gjë.
Nëpërmjet fotove të ndryshme, Alves ka publikuar edhe aftësitë e tjera të tij, duke zbuluar se mund të bëjë shumë mirë taksistin, kopshtarin, gardianin, shitësin apo edhe vrojtuesin.
Natyrisht, të gjitha këto i bën në kuadrin e shakave, duke pritur edhe ofertat nga klubet evropiane dhe jo vetëm.
