Ish-mesfushori i Liverpoolit, Dietmar Hamann është akuzuar nga policia se ka sulmuar të dashurën e tij në Australi.
45-vjeçari, i cili gjithashtu ka luajtur te Bayern Munich dhe Manchester City, është arrestuar pasi ka shtyrë gruan gjatë pushimeve në Sidnej.
Policia është thirrur në shtëpinë e tij gjatë orëve të para të mëngjesit të së premtes pasi mori një telefonatë për dhunë në familje.
Hamann , i cili ka përfaqësuar 59 herë Gjermaninë, është arrestuar dhe akuzohet për agresion.
Mëngjesin e së shtunës, Hamman ka dalë nga komisariati pas një seance të shkurtër dëgjimore në Parramata Court, por duhet të dorëzonte pasaportën.
Ai do të rikthehet të martën me avokatët e tij për t’u përballur me akuzat.