Ish-trajneri i Shqipërisë, Gianni De Biasi, ka mbetur pa punë që pas largimit nga Alavesi në Spanjë, pasi nuk ka arritur të stabilizohet në një projekt të qëndrueshëm që prej atij momenti.
Emri i tij lakohet shpesh, sapo del ndonjë variant në ndonjë ekip në Itali.
Ndërkohë së fundmi, media italiane “Cronache” zbulon se tekniku 63-vjeçar është në planet e klubit të Salernitanës, që është në pronësi të presidentit të Lacios, Klaudio Lotito.
Në ditët e ardhshme pritet të ketë një takim mes palëve, për të diskutuar në lidhje me këtë opsion. Kujtojmë që Salernitana militon në Serinë B, teksa është në kërkim të një trajneri të ri.
