Disa grabitës kanë hyrë të premten në mbrëmje në shtëpinë e Alvaro Moratës, kur 26-vjeçari ishte në Ishujt Faroe me Spanjën, në kuadër të kualifikueseve për EURO 2020. Sipas mediave spanjolle, grabitësit ishin të armatosur.
Gruaja italiane e Moratas, Alice Kampelo, dhe djemtë e tyre binjak Alesandro dhe Leonardo, thuhet se kanë qenë brenda së bashku me një dado, por asnjë nuk është dëmtuar.
Incidenti i tmerrshëm e ka bërë familjen të ndihet e frikësuar dhe e tronditur.
Grabitësit mendohet të kenë marrë vetëm bizhuteri dhe një sasi të vogël parash.
Policia vazhdon hetimet për zbardhjen e plotë të ngjarjes dhe identifikimin e grabitësve.
