CalcioMerkato zbulon se Juventus ka kontaktuar Atletico Madrid për blerjen e qendërmbrojtësit Diego Godin.
32-vjeçari Godin ka vërtetuar vitet e fundit se është një nga mbrojtësit më të qëndrueshëm në Evropë dhe është kthyer në një nga lojtarët më të rëndësishëm të Atletico-s në katër sezonet e fundit.
Edhe këtë sezon, ai ka impresionuar me klubin spanjoll, duke luajtur në 30 ndeshje të La Liga-s.
Dhe sipas CalcioMercato, Juventus ka nisur kontaktet me Atletico për blerjen e Godin. Ai shihet si një blejre e lirë nëse Medhi Benatia largohet nga klubi.
Kontrata aktuale e Godin skadon më 2019.
Zonja e Vjetër mendon se ai do të ishte një blerje e goditur, jo vetëm për shumën por edhe për eksperiencën e madhe të uruguaianit.
