I dëmtuar në ndeshjen debutuese, pikërisht në fitoren e Uruguait 4-0 kundër Ekuadorit, mesfushori Matias Vecino është i detyruar t’i japë fund para kohë Copa America 2019, pasi dëmtimi i pësuar në minutën e 79-të rezultoi më i rëndë sa parashikohej.
Ekzaminimet e kryera gjatë ditës së sotme nga stafi mjekësor i skuadrës së drejtuar nga Oscar Tabarez kanë zbuluar se bëhet fjalë për një dëmtim muskulor në bicepsin femoral në kofshën e djathtë, që e detyron futbollistin e Interit të qëndrojë jashtë për 1 muaj.
