Pas një sezoni të dobët, Real Madridi është hedhur seriozisht në merkato.
Pas Militao, Joviç dhe Hazard, klubi kërkon të bëjë një goditje tjetër, por këtë herë në mesfushë. Bëhet fjalë për mesfushorin e Totenhemit, Kristian Eriksen, për të cilin madrilenët kishin shfaqur interes edhe sezonin e kaluar.
Sipas asaj që bën të ditur gazeta e njohur britanike “Independent”, gjigandët spanjoll nuk kanë nën vëzhgim vetëm Pol Pogbanë, por kanë shfaqur interes edhe për lojtarin e Totenhemit. Në ditët në vazhdim, nuk përjashtohet një ofertë zyrtare, pasi danezi ka shprehur dëshirë për t’u larguar.
Reali kërkon të jetë pretendent kryesor për Ligën e Kampioneve, por edhe në kampionatin spanjoll.
