Partizani vijon me përforcimet në merkato. Kampionët në fuqi kanë mbyllur marrëveshjen ditën e sotme me mesfushorin e Kastriotit, Juljan Shehu.
20-vjeçari, i cili spikati në gjysmën e dytë të sezonit me fanellën e ekipit krutan, ka bërë një hap të rëndësishëm në karrierën e tij, teksa do të jetë pjesë e 16 herë kampionëve të vendit.
Shehu gjithashtu është pjesë e Kombëtares Shpresa, teksa në orët e ardhshme, pritet të zyrtarizohet si përforcimi i radhës i Partizanit, pas Melos dhe Hakajt.
Mesfushori u aktivizua 31 ndeshje këtë sezon me Kastriotin, teksa arriti të shënonte 4 gola.
Vlera e tij sipas “transfermarkt” ka shkuar në 125 mijë euro.
