Merr një kthesë tjetër çështja Ronaldo-Majorga. Prokuroria e Las Vegasit, ka njoftuar ditën e sotme, se ka tërhequr akuzat ndaj yllit portugez.
Sipas një deklarate të lëshuar nga hetuesit e çështjes, thuhet se nuk ka prova të forta, që vërtetojnë dhunë në dhomën e hotelit në Las Vegas, gjatë verës së 2009. Kështu, nuk do të ketë asnjë gjyq për Kristiano Ronaldon.
Prokurori Stiv Ulfson, shpjegoi se pasi këqyri hetimin e ri të policisë mbi akuzat e përdhunimit nga Ronaldo, ndaj ish-modeles Ketrin Majorga, ai doli në përfundimin se nuk mund të provohen ato akuza ndaj lojtarit.
PANORAMASPORT