Partizani zyrtarizon sot zgjatjen e bashkëpunimit me Egzon Belicën.
Mbrojtësi 28 vjeçar dhe drejtuesit e kuq kanë nënshkruar kontratën e re e cila e konfirmon pjesë të kampionëve deri në 2021.
Palët konkretizojnë kështu pozitivisht të ardhmen e titullarit te Partizani. Belica pjesë e të kuqve nga 2018, falë paraqitjeve dhe cilësive që ka shfaqur përgjatë gjithë eksperiencës me fanellën e kuqe me të cilën u shpall edhe kampion i Shqipërisë, konsiderohet një prej lojtarëve më të spikatur të ekipit dhe kampionatit shqiptar.
Rinovimi i kontratës erdhi me dëshirën e të dyja palëve, fakt i cili pasqyron më së miri besimin dhe korrektësinë e marrëdhënies dypalëshe.
