Pas shitjes të Zhoao Feliks te Aletiko e Madridit, portugezët e Benfikës kanë lëvizur në merkato, teksa kanë transferuar sulmuesin Raul de Tomas nga Reali i Madirdit.
“Shqiponjat” kanë paguar në arkat e klubit madrilen plot 20 milionë euro për 24-vjeçarin, i cili ka dalë nga akademia e Realit të Madridit, por asnjëherë nuk arriti të luante në një ndeshje zyrtare me ekipin e parë.
Raul de Tomas ka qenë i huazuar prej 4 sezonesh te skuadra si Kordoba, Valadolid dhe Rajo Vajekano. Me këtë të fundit spanjolli arriti të shpërthente duke shënuar 38 gola në 65 ndeshje.
Forma fantastike me Rajo Vajekanon bindi drejtuesit e Benfikës, që të paguanin 20 milionë euro për sulmuesin 24-vjeçar, i cili shihet si zëvëndësuesi ideal i Zhoao Feliks.
