Ramsey dhe Rabiot u zyrtarizuan te Juventusi. Akordi me De Ligt është arritur dhe “Zonja” tashmë duhet të “përballet” dhe me lojtarët e tepërt dhe ata të pakënaqur në skuadër.
Një nga ata mund të jetë Leonardo Bonucci, i cili me ardhjen e De Ligt pritet të mos jetë më titullar te Juventusi.
Para disa ditësh, PSG-ja kontaktoi me të, por Sarri mori në dorë situatën dhe i dha garanci.
Po sa garanci do i japë Sarri, Bonuccit, tashmë që Guardiola e do te Manchester City?
“Corriere Dello Sport” bën me dije se trajneri spanjoll e do mbrojtësin italian në skuadrën e vet.
Kujtojmë që Guradiola ka tentuar ta marrë Bonuccin me vete në vitin 2016, por Juventusi nuk e shiti lojtarin.
Tashmë “Zonja” kërkon 50-60 milionë euro, të cilat Manchester City mund t’i japë lehtësisht, kështu që bardhezinjtë duhet të flasin me mbrojtësin për t’i dhënë sërish besim.
