Trupi i futbollistes shqiptare të Zvicrës dhe Young Boys, Florijana Ismailit, është lokalizuar në një thellësi prej 204 metrave, jo larg vendit u ishte zhdukur në Liqenin Como në Itali.
Futbollistja me origjinë shqiptare e Kombëtares së Zvicrës dhe Young Boys, Ismaili, ishte futur në ujë në liqenin Como të shtunën pasdite duke mos u rishfaqur më.
Mediat italiane raportojnë se ekipet e kërkimit e kanë lokalizuar trupin e 24-vjeçares në një thellësi prej 204 metrave afër vendit ku kishte kërcyer në ujë nga një anije që e kishte marrë me qira bashkë me një mike të vetën.
Ismaili, e lindur në Bern nga prindër shqiptarë, ka qenë pjesë e Young Boys që prej vitit 2011.
Më 2014, ajo debutoi edhe në ekipin kombëtar të Zvicër dhe që prej atëherë zhvilloi 33 ndeshje.
