Mbyllet në barazim pa gola pjesa e parë në sfidën ndërmjet partizanit dhe Qarabagut e vlefshme për turin e parë kualifikues në Champions League.
Kampionët e Azerbajxhanit vendosën disa herë në vështirësi portën e Partizanit por nuk arritën që të finalizonin.
Të kuqtë që debutojnë nën drejtimin e trajnerit italian Franco Lerda fillimisht studiuan lojën e kundërshtarit për të zbritur me kundërsulme.
Në minutën e 20′ kampionët e Azerbajxhanit ishin shumë pranë golit por traversa shpëton Partizanin nga pësimi i golit të parë. Ozoviç me portën thuajse të boshatisur nga më pak se 11-metra, ka gabuar, duke goditur traversën.
Partizani kishte rastin e artë për të shënuar në minutën e 45’. Telushi jep një asist fantastik për Ibrahimin, ky i fundit harkon në zonë për Çinarin, ky i fundit godet me kokë, por topi largohet në këndore.
Skuadrat i drejtohen dhomave të zhveshjeve për të marrë udhëzimet nga dy trajnerët respektivë.
