Daniele De Rosi e ka vendosur që të vazhdojë ende të jetë pjesë aktive e futbollit.
Mesfushori u largua nga Roma, teksa drejtuesit nuk i rinovuan kontratën, pavarësisht se ishte kapiteni i skuadrës dhe një nga idhujt e tifozerisë.
Megjithatë, tashmë De Rosi pritet që shumë shpejt të zyrtarizohet te Boca Juniors.
Ekipi argjentinas i ka hapur dyert mesfushorit, ndërsa legjenda Maradona i ka uruar mirëseardhjen italianit.
Maradona ka luajtur për Bocën në vitet 1981-1982 dhe 1995-1997.
“Nuk të njoh personalisht, por të jesh i sigurt se mund të jesh i qetë. I qetë me mua dhe Bocën. Do të shihemi së shpejti. Për ne të veshësh fanellën e Bocës, është si San Genaro që rrjedh në gjakun tënd. Të dërgoj një puthje dhe përshëndetje familjes tënde”, ishte mesazhi i Diego Armando Maradonës, për mesfushorin De Rosi.
