Sergej Milinkoviç-Saviç është pranë largimit nga Lacio, dhe e ardhmja e tij pritet të jetë në Premier Ligë.
Sipas lajmeve të fundit lojtari mund të transferohet tek Mançester Junajtid, për shumën e 90 milionë eurove. Për këtë ka folur edhe presidenti i Lacios, i cili shprehet: “Ne do të shohim kushtet nëse përputhen. Ne kemi një raport shumë të mirë më njëri-tjetrin. Do t’i vlerësojmë të gjitha ofertat me një frymë bashkëpunimi, që të kujdesemi për interesat e klubit dhe të lojtarit. Do të marrim vendime që janë të mira për të gjithë. Nga investimet që kemi bërë verën e kaluar, tani duhet të ishim në Ligën e Kampionëve, por shpresoj që të kemi mësuar nga përvoja.”, u shpreh Lotito.
Lacio shpreson ta shesë mesfushorin serb, për shkak se ai do të rregullonte financat e klubit, dhe kryeqytetasit do të kishin më shumë mundësi për të investuar në merkato.
