Futboll La Liga Sport

E BUJSHME NGA SPANJA/ Milan arrin marrëveshjen me “fantazistin” Correa, pengesë mbetet…

Milani ka zgjedhur fantazistin argjentinas Angel Correa për ta vënë në dispozicion të trajnerit Marco Giampaolo dhe sipas mediave spanjolle, mes futbollistit dhe klubit kuqezi është arritur marrëveshja totale tashmë.

Megjithatë mbetet problem Atletico e Madridit, që ka kartonin e futbollistit dhe kërkon plot 50 milionë euro që ta lërë të lirë, një shifër kjo që Milani natyrisht që nuk ka as mundësinë dhe as dëshirën ta paguajë.

Kuqezinjtë pritet të zbarkojnë javën e ardhshme në Madrid, ku do të tentojnë të arrijnë një marrëveshje huazimi me të drejtë blerjeje për 30 milionë euro, për Correan, ofertë kjo që mund të refuzohet nga drejtuesit e Atleticos, por që do të shërbejë si pikënisje për negociatat.

Fantazisti 24-vjeçar është pjesë e Atleticos së Madridit që prej vitit 2014 dhe ka luajtur 130 ndeshje, duke shënuar edhe 20 gola. Correa shikohet si njeriu ideal për të luajtur pas sulmuesve, në skemën 4-3-1-2, që përdor trajneri i Milanit, Giampaolo.

Related posts

Chelsea dhe Arsenal gjejnë akordin, 20 mln euro për Giroud

Q.Autor

BARAZIM ME GOLA/ Milan shmang humbjen ndaj Udineses në frymën e fundit falë Kessie

Delo.autor

Mirabelli: Belotti mbetet ende objektiv i Milanit

Q.Autor

Leave a Comment