Surpriza më e madhe e raundit të parë të Ligës së Europës është eliminimi i Hajduk Split, skuadër që pretendonte grupet e turneut, nga maltezët e Gzira.
Askush nuk e priste një rezultat të tillë të skuadrës së shqiptarëve, që doli nga loja për faj të zgjedhjeve të gabuara të trajnerit, por edhe aftësisë së ish-sulmuesit të Feronikelit, Hamed Kone, i cili shënoi dy gola për ekipin e tij maltez.
Hajduku, pas fitores 2-0 në ndeshjen e parë në transfertë dukej i qetë, aq sa trajneri la në stol Ardian Ismajlin për këtë sfidë, duke aktivizuar ndërkohë nga minuta e parë Tahirajn.
Goli i avantazhit i Hradi që në minutën e 7-të i dha bindjen kroatëve se do të kualifikoheshin lehtësisht.
Por Gzira barazoi shifrat në minutën e 57-të dhe më pas, në të 69-ën, Kone gjeti rrjetën për ta kaluar në avantazh me një goditje spektakolare.
Pikërisht sulmuesi nga Bregu i Fildishtë shënoi edhe golin e 3-1 që eliminoi kroatët në minutën e 96-të të takimit, duke arritur një rezultat historik për skuadrën e tij.
