Valencia vijon të jetë tepër aktive në merkato dhe përforcimi i dytë pas blerjes së Kondogbias pritet të jetë Kevin Gameiro.
Sulmuesi francez është zgjedhja e parë e trajnerit Marcelino dhe lajmi i mirë është arritja e akordit me lojtarin, që ka pranuar uljen e pagës nga 4.8 milionë euro në 3 milionë.
Për 31-vjeçarin tani palët po negociojnë për formulën e transferimit, teksa Atletico Madrid dëshiron të paktën 20 milionë euro, ndërsa Valencia nuk mund të bëjë blerje para 30 qershorit, deri në mbylljen e bilancit të sezonit që sapo përfundoi.