Futbolli të jep një ndjenjë e veçantë në mënyra të ndryshme. Për Disa tifozë wshtw një mënyrë për t’u agëtuar e disa të tjerë më shumë se aq. Rasti i fundit ekstrem është përjetuar në Shtutgart, ku Wolfgang Dietrich, shefi ekzekutiv i klubit, ka marrë kërcënime me vdekje. Për pasojë, ai është detyruar të njoftojë policinë në disa raste.
“Nga këndvështrimi ynë dhe i klubit, tifozët e kanë kaluar vijën e kuqe”, – tha Franz Lutz, kreu i policisë lokale. Foto-mesazhet, në të cilat ultras shfaqin një ekskavator, me kovën e ngritur lart, duke lënë të kuptohet se po përgatisin varrin e Dittrich, po vlerësohen nga prokuroria. Ultrasit, gjithashtu, shpërndanë fotot e presidentit me një kryq (fut në shenjë) në ballin e tij.
Shumica e tifozëve nuk pajtohen me menaxhimin e Dietrich në krye të klubit historik gjerman dhe e konsiderojnë atë fajtor kryesor të momentit sportiv të keq (luan në Bundesliga 2). Thomas Berthold, ish-lojtar dhe kampion i botës me ekipin kombëtar gjerman në vitin 1990, tashmë ka paraqitur kandidaturën e tij për takimin që do të zhvillohet të dielën.
