Mauro Ikardi është shumë pranë largimit nga Inter, për shkak se i është bërë e qartë se nuk është në planet e Kontes.
Tekniku italian nuk e përfshiu 26-vjeçarin në skuadrën e tij, për përgatitjet parasezonale, që zikaltërit do t’i zhvillojnë në Azi. Dëshira e argjentinasit është të qëndrojë tek Interi, por nuk janë i të njëjtit mendim drejtuesit, të cilët nuk e duan sulmuesin në skuadrën e tyre.
Ikardi kërkon ta heqë mendjen nga situata aktuale, dhe nëpërmjet një postimi në “Instagrami”, ai shfaqet duke u argëtuar në det me familjen tij.
Këto janë ditë të nxehta për sa i përket të ardhmes së yllit argjentinas, por ai vendos që t’i marrë me qetësi.
